dt
Pinterest  Follow @designtbilisi facebook

შემოდგომაზე დიზაინ კომპანია Droog შპალერის ახალ, უნიკალურ კოლექციას უშვებს, რომელიც რეიკსმუზეუმისა და ჰოლანდიური საეკლესიო ნაგებობების კლასიკური ხელოვნების ნამუშევრებითაა შთაგონებული. კოლექციის დიზაინი Studio Droog -ს და გრაფიკოს დიზაინერებს, ირმა ბომსა და მიკ გერიტზენს ეკუთვნით. ამგვარად, ჰოლანდიის ისტორია მთელი თავისი სიმდიდრით სახლის თუ ოფისის კედლებზე გაცოცხლდება.

ნაყოფიერი გარემო მინიმალიზმისთვის

მინიმალიზმმა არქიტექტურასა და დიზაინში შპალერი არააქტუალურად აქცია. უბრალო და ცარიელი ავეჯისთვის შიშველი კედლები იდეალურ გარემოს ქმნიდა. თუმცა, დროა ახალი ბიძგისთვის და შპალერის აღორძინებისთვის. Studio Droog-ის შპალერი, Pleasure Ground, რომელიც ფრანსუა კოპენის მიერ მეთვრამეტე საუკუნეში შექმნილ გობელენს ეფუძნება, სადა ავეჯთან შეხამებისთვის გაკეთდა. ის აპრილში, მილანში Salone del Mobile-ს ფარგლებში, Rijksstudio m2 -ში, Droog -ის და რეიკსმუზეუმის მოწყობილ პრეზენტაციაზე აჩვენეს. კიდევ ერთი შესანიშნავი ნიმუშის აღმოჩენა შეიძლება ამსტერდამში, სასტუმრო Droog -ის ბიბლიოთეკაში, სადაც კედლები გაფორმებულია ყვავილოვანი ფერწერით, სახელად “ყვავილები”.

Rijksmuseum DNA

Colour DNA -ის მეშვეობით ირმა ბომმა ის იმ ფერთა პალიტრის გამოყენებით შექმნა, რომელიც მან 2013 წელს ხელახლა გახსნილი რეიკსმუზეუმისთვის შეიმუშავა, როგორც სახლის ახალი სტილის ნაწილი. მან ათი წელი მოანდომა ისეთი ცნობილი მხატვრების ნამუშევრების დეკონსტრუირებას, როგორებიც არიან ვერმეერი და რემბრანდტი. შედეგად ბომმა გამოჰყო მათი ფერების დნმ - ექვსი ფერი, რომლებიც ქმნიან ნახატს. ეს ფერთა სქემები დღეს ხელმისაწვდომია წვრილი და ფართოზოლიანი შპალერის სახით, რომლებიც შეგვიძლია ერთმანეთსაც შევუხამოთ.

ძველი ხელოვანები

ყოველთვის გსურდათ კედელზე ვერმეერის ან რემბრანდტის ნამუშევარი გქონოდათ? მიკ გერიტზენის „ძველი ხელოვანები“ კედელს ცნობილი მხატვრების ხელოვნებით ავსებს. შპალერის ეს დიზაინი ქმნის მშვენიერ თანამედროვე დიაგონალურ ნახატს გარკვეული მანძილიდან.

შპალერის კოლექცია ხელმისაწვდომი ორი სექტემბრიდან იქნება droog.com -ზე და ამსტერდამში, Droog-ის მაღაზიაში, 199 ეუროდ (ერთი რულონი/4.38 კვ.მ.)

This was posted 1 hour ago. It has 0 notes.

(Source: anajikia00)

This was posted 6 days ago. It has 1 note.

ცოტა ხნის წინ თბილისში ზანდუკელზე კაფე “ფაბრიკა” გაიხსნა. კაფეს ინტერიერის დიზაინი გიორგი მასხარაშვილს ეკუთვნის. მან კაფეს სახელწოდებიდან და კონცეფციიდან გამომდინარე ინტერიერი 50ანი წლების ინდუსტრიულ სტილში შეასრულა.
გიორგი მასხარაშვილი: “კედლები ხელით დამუშავებული, ცვილით დაფარული ხის დაფებით დავფარე ორ მხარეს. მათ დასახმარებლად ბეტონის ლურსმნები გამოვიყენე, რომლის ქუდებიც ასევე თვალსაჩინოა და დეკორატიული მნიშვნელობა აქვს. ბარი ლითონში შევასრულე, ასევე 50წლების მანქანათ მშენებლობის და საავიაციო დიზაინის სტილში. ასევე ფანჯრის ჭრილები ორმოცდაათიანების დამახასიათებელი ტონის და ფორმის კაფელითაა მოპირკეთებული, რაც ხაზს უსვამს ინდუსტრიულ სტილს. ფრანგული ჭერის ნაწილი შევინარჩუნე და მხოლოდ ჩარჩოს მაგვარი კანტი გავაყოლე გვერდებში. ინტერიერში გამოვიყენე ჩემივე შექმნილი თემატური ფოტო არტი. ინტერიერის შესრულების დროს ყველაფერს ვაქცევ ყურადღებას, რომ შეიქმნას ჩაფიქრებულის აურა. ბევრი სხვა დეტალი შეემატა მფლობელების მიერ.”

ფოტო: სიფიო აბაშიძე

This was posted 2 weeks ago. It has 1 note.

წელს თავისუფალ უნივერსიტეტს ვიზუალური ხელოვნებისა და დიზაინის სკოლა დაემატა. ის ისეთი ცნობილი სახელოვნებო სკოლების გამოცდილების გაზიარების მაგალითზე შეიქმნა, როგორებიცაა Rhode Island School of Design და Carnegie Mellon University. სკოლის ერთ-ერთი მნიშვნელოვანი პრიორიტეტი სტუდენტისთვის თანამედროვე სახელოვნებო განათლების მიცემაა. ასევე ახალგაზრდა არტისტებს თვითპრეზენტაციის და საკუთარი შემოქმედების წარმოდგენის შესაძლებლობა აქვთ.

ვიზუალური ხელოვნებისა და დიზაინის სკოლა წელს ოცდაათ სტუდენტს მიიღებს წარმოდგენილი პორტფოლიოების საფუძველზე. ძირითადი კონცეფციის, სპეციალობების, მისაღები კრიტერიუმებისა და სხვა მსგავსი საკითხების შესახებ სკოლის დეკანს, ირინა პოპიაშვილს ვესაუბრეთ:

dt როგორ გაჩნდა სკოლის დაარსების იდეა?

აშკარა იყო საჭიროება ახალი, თანამედროვე პრინციპებზე დაფუძნებული სახელოვნებო სკოლის შექმნის, როგორც ვიზუალური, ისე დიზაინის მიმართულებით. ეს საჭიროება თავისუფალი უნივერსიტეტისთვისაც ცხადი იყო და ამდენად, ჩვენი თანამშრომლობა შედგა. იდეაზე დიდხანს ვიმუშავეთ, მრავალი შეხვედრა და brainstorming-ი მოვაწყვეთ ხელოვნების სამყაროს წარმომადგენლებთან. ამ შეხვედრების, დისკუსიების და მსჯელობის შედეგად ჩამოვყალიბდით ვიზუალური ხელოვნების და დიზაინის სკოლის შექმნაზე. გავითვალისწინეთ მსოფლიოს საუკეთესო სკოლების გამოცდილება.

dt რა პროგრამებს სთავაზობს ვიზუალური ხელოვნებისა და დიზაინის სკოლა სტუდენტებს, რა სპეციალობების არჩევა შეუძლიათ?

თავისუფალი უნივერსიტეტის ვიზუალური ხელოვნებისა და დიზაინის სკოლაში (VADS-ში) სტუდენტები მიიღებენ ხელოვნების ბაკალავრის ხარისხს. გვექნება კონცენტრაციები/სპეციალიზაცია ვიზუალური ხელოვნებისა და დიზაინის სფეროებში. ჩვენ გვაქვს ფერწერის და ხატვის სახელოსნოები, ასევე სამგანზომილებიანი ხელოვნებისა და ინსტალაციის სახელოსნო. სტუდენტებს საშუალება ექნებათ მიიღონ ინტერდისციპლინარული განათლება, ანუ თუ თქვენ ფერწერის სახელოსნოში ხართ, ეს იმას არ ნიშნავს, რომ მხოლოდ ზეთი და ტილო უნდა იყოს თქვენი მასალა. სტუდენტებს საშუალება ექნებათ ისწავლონ აკადემიური ხატვა და ამასთან, აკეთონ ექსპერიმენტული ნამუშევრებიც.

რაც შეეხება დიზაინს, ის ასევე ინტერდისციპლინარული პროგრამა იქნება. ჩვენი ამოცანაა, სტუნდეტები არ შევიყვანოთ პროფესიულ ჩიხში იმით, რომ მივცეთ მხოლოდ ვიწრო სპეციალიზაცია. პირიქით, ეს იქნება პროგრამა, რომელიც ფართო კომპეტენციას მისცემს სტუდენტს, რათა მან, უკვე როგორც პროფესიონალმა, სრულად იპოვოს თავი არსებული მოთხოვნის შესაბამისად.

dt რა არის საჭირო იმისთვის, რომ დიზაინის სკოლაში მოხვდე?

VADS-ში მიღება შემოქმედებითი ტურით და ერთიანი ეროვნული გამოცდებით ხდება. პირველ რიგში, ჩვენ ნოვაცია დავნერგეთ. ჩვენი შემოქმედებითი ტური გულისხმობს აბიტურიენტის მიერ პორტფოლიოს წარმოდგენას - პირველ ეტაპზე პორტფოლიო, რომელიც შვიდი ნამუშევრისგან შედგება, ციფრულად უნდა აიტვირთოს მითითებულ ლინკზე. ვისი პორტფოლიოც აკმაყოფილებს პორტფოლიოს ტექნიკურ მოთხოვნებს, გამოდის გასაუბრებაზე და ამის შემდეგ იღებს საბოლოო შეფასებას.

dt როგორ შეარჩიეთ ლექტორები?

ჩვენთვის მნიშვნელოვანი იყო, რომ ლექტორებს ჰქონოდათ საერთაშორისო გამოცდილება. გვაინტერესებდა ის პროფესიონალები, რომლებსაც ჰქონდათ/აქვთ პრაქტიკული გამოცდილება და მოქმედი და აქტიური არტისტები და დიზაინერები არიან.

dt საქართველოში უკვე არსებობს რამდენიმე მსგავსი ფაკულტეტი, როგორ ფიქრობთ, რით განსხვავდება მათგან ვიზუალური ხელოვნების და დიზაინის სკოლა?

ჩვენი სკოლა ამ თვალსაზრისით უნიკალურია. ჩვენ არ გვინდა, რომ ჩვენი კურსდამთავრებულები ვიწრო პროფესიულ ჩარჩოებში მოვაქციოთ. ჩვენ სტუდენტებს ვასწავლით დიზაინის საფუძვლებს, რომელიც ყველგან შეიძლება გამოიყენონ მომავალში.

ჩვენ ასევე ვუპასუხებთ ინტერიერის დიზაინზე მოთხოვნას, რის მიმართაც განსაკუთრებით დიდი ინტერესია აბიტურიენტების მხრიდან.

დიზაინის კიდევ ერთი მიმართულება, რომელზეც ჩვენ ვმუშაობთ, საქართველოში არსად არის. მისი პარალელი არის ამერიკული პარსონის სკოლის კომუნიკაციების დიზაინის პროგრამა. კომუნიკაციის დიზაინი ითვალისწინებს სტრატეგიულ ბიზნეს აზროვნებას, მარკეტინგის ცოდნას და ამის საფუძველზე შემოქმედებითად ვიზუალური და კონცეპტუალური პრობლემების გადაჭრას.

dt ექნებათ თუ არა სტუდენტებს გაცვლით პროგრამებში მონაწილეობის საშუალება?

თავისუფალ უნივერსტეტს ბევრი საერთაშორისო კონტაქტები აქვს და გაცვლით პროგრამებში მონაწილეობა ინდივიდუალური სტუდენტის მონდომებაზეა დამოკიდებული. ასევე, ჩემი და სხვა პროფესორების პირადი კონტაქტები ძალიან მნიშვნელოვანი რესურსია ჩვენი სტუდენტებისთვის. ჩემი აზრით, მნიშვნელოვანია ისეთი ხარისხის სწავლა შევთავაზოთ და ისეთი პირობები შევუქმნათ, რომ მათთვის უცხოეთში სასწავლებლად წასვლა პრიორიტეტი არ იყოს, თუმცა სასურველია სტუდენტებმა ბევრი ნახონ და მხოლოდ ინტერნეტით და რეპროდუქციებით არ მიიღონ ინფორმაცია.

dt მოგვიყევით ცოტა რამ თქვენს გეგმებზეც…

გარდა ცხრილით გათვალისწინებული კლასებისა, ვგეგმავთ მოვიწვიოთ ქართველი და უცხოელი პროფესიონალები ინტენსიური მასტერკლასების და ვორქშოპების პროგრამით. ეს პროგრამები ღია იქნება როგორც სტუდენტებისთვის, ასევე თანამედროვე ხელოვნებით დაინტერესებული ადამიანებისთვის, რომლებსაც შეეძლებათ დარეგისტრირდნენ და ისწავლობ ჩვენს სპეციალურ პროგრამებზე.


ესაუბრა ნინა ახლოური

This was posted 1 month ago. It has 2 notes.

დავით მაჭავარიანის და საიუველირო კომპანია “ზარაფხანას” ერთობილივი საიუველირო კოლექცია "ვეფხისტყაოსანი"

დავით მაჭავარიანი არის „ვეფხისტყაოსანის“ თანამედროვე გამოცემის ილუსტრატორი. საიუველირო ნაკეთობების შექმნის ინსპირაცია ამ ილუსტრაციებიდან მომდინარებს. კოლექციაში შესული მოდელები არ წარმოადგენს სამეცნიერო ნამუშევრებისა და კვლევების მიხედვით შექმნილ სამკაულებს.

კატალოგი

This was posted 1 month ago. It has 0 notes.
wallpapermag:

Highlights from the Venice Architecture Biennale 2014

wallpapermag:

Highlights from the Venice Architecture Biennale 2014

This was posted 1 month ago. It has 114 notes. .
გამოცხადდა გრაფიკული დიზაინის ღია კონკურსი “ოპტოგრამა” (optograma.ge) საუკეთესო პლაკატის გამოსავლენად. 

1. ძეგლები - ნომინაციაზე შესაძლებელია წარმოდგენილი იყოს ნამუშევარი რომელშიც გამოყენებული იქნება მასალები საიტიდან dzeglebi.ge - საიტის მიზანია საქართველოს ისტორიისა და კულტურის ძეგლთა აღწერა და მათი პოპულარიზაცია.

2. დისკრიმინაცია L./discriminatio/ განსხვავება

3. სარეკლამო პლაკატი - ნებისმიერი ჟანრი

რეგისტრაცია http://optograma.ge/

გამოცხადდა გრაფიკული დიზაინის ღია კონკურსი “ოპტოგრამა” (optograma.ge) საუკეთესო პლაკატის გამოსავლენად.

1. ძეგლები - ნომინაციაზე შესაძლებელია წარმოდგენილი იყოს ნამუშევარი რომელშიც გამოყენებული იქნება მასალები საიტიდან dzeglebi.ge - საიტის მიზანია საქართველოს ისტორიისა და კულტურის ძეგლთა აღწერა და მათი პოპულარიზაცია.

2. დისკრიმინაცია L./discriminatio/ განსხვავება

3. სარეკლამო პლაკატი - ნებისმიერი ჟანრი

რეგისტრაცია http://optograma.ge/

This was posted 2 months ago. It has 1 note. .


საქართველოს ტექნიკური უნივერსიტეტის ბაზაზე უკვე თითქმის ერთი წელია, დიზაინის საერთაშორისო სკოლა ფუნქციონირებს. მისი დაარსების იდეა ავტომობილების ცნობილი დიზაინერის, ჯორჯეტო ჯუჯაროს (Giorgetto Giugiaro) სახელს უკავშირდება. მიუხედავად იმისა, რომ სკოლის კონცეფცია ჯერ კიდევ 2012 წელს შემუშავდა, სკოლამ პირველი სტუდენტები გასულ წელს მიიღო.

ჩვენ ვესაუბრეთ სკოლის დეკანს, ბატონ ნიკოლოზ შავიშვილს:

“სკოლის გახსნის იდეა დაკავშირებული იყო დიზაინერ ჯორჯეტო ჯუჯაროსთან და მის კავშირთან გამოჩენილ ქართველ დიზაინერ ზვიად ციკოლიასთან. აქედან გამომდინარე, გაჩნდა აზრი, რომ ყოფილიყო არა მხოლოდ ტრანსპორტის დიზაინი, არამედ მექანიკა-მანქანათმშენებლობის ანუ საინჟინრო დიზაინის სწავლება საქართველოში. სწორედ იმიტომ, რომ სწავლებას უფრო ტექნოლოგიური განხრა ექნებოდა, გადაწყდა ის დაარსებულიყო სწორედ ტექნიკურ უნივერსიტეტში და არა სამხატვრო აკადემიაში, რომლის კურსდამთავრებულიც თავად ზვიად ციკოლიაა. მაშინდელმა ხელისუფლებამ ეს იდეა აიტაცა და ბატონი ჯუჯაროც თავის შვილთან ერთად არაერთხელ გახლდათ საქართველოში. მათ შემოგვთავაზეს ამ სკოლის მოდელი. სიჩქარეში რამდენიმე მომენტის გათვლა ვერ მოხერხდა, ამიტომ სკოლამ 2012 წელს სტუდენტების მიღება ვერ მოახერხა.”

Read More

This was posted 2 months ago. It has 0 notes.

Popiashvili Gvaberidze Window Project. Art and design. Chavchavadze 11 


ლადო ფოჩხუა. სერიიდან “ახალი ქართული არისტოკრატია”. შოლკოგრაფია 70x50სმ 2013


კარლო კაჭარავა. ოთახი. ზეთი ტილო 200x200სმ. 1988

Flow[T] designer Nao Tamura. ვენეციის ლაგუნის ფერებით შთაგონებული თანამედროვე ჭაღია, თითოეული მფლობელის სურვილებს მორგებული. თითოეულ ჭაღს თავისი ფორმა გააჩნია, ხოლო ერთად ისინი ქმნიან განათების სკულპტურულ დისფლეის.

Foscarini Diesel Drum Box. იატაკის ნათურა, 2011 წლის დიზაინი

ქსოვილით დაფარული იატაკის ნათურა მავთულის ჩარჩოს სტრუქტურით. სტილი შთაგონებულია განათებით რომელსაც იყენებენ ფოტოგრაფიაში.

ტყავის სავარძელი LC2. Cassina, დიზაინერი ლე კორბუზიე, დიზაინის წელი 1928. პროდუქციის წელი 1965/2006

დიზაინი შეიქმნა 1928 წელს. ის პირველად აჩვენეს პარიზში, Salon d’automne-ში, 1929 წელს. ეს იყო თავდაპირველი მცდელობა, რომელიც გამოხატავდა ავეჯთან დაკავშირებულ თანამედროვე ტენდენციებს და ამიერიდან უნდა მიეღოთ, როგორც “საოჯახო აღჭურვილობა”.

This was posted 2 months ago. It has 1 note.

ზვიად ციკოლია როგორც ქართულ, ისე საერთაშორისო საზოგადოებაში, ცნობილია, როგორც ავტომობილების დიზაინერი. თუმცა, „პეჟო 1007“, “ბუგატი”, “რუსო-ბალტიკი”, ჯავშანმანქანა “დიდგორი”… ეს ციკოლიას პორტფოლიოს მხოლოდ ერთი განყოფილებაა. მისი შემოქმედების სფერო კი ძალიან ფართოა და რას აღარ მოიცავს. საკვები პროდუქტების შეფუთვა, ალკოჰოლური სასმელების ბოთლები, ავეჯი, უნიფორმა, საათი, ველოსიპედი, თვითმფრინავი - ეს სრული სიის მხოლოდ მცირე ნაწილია. აქ მთავარია შთაგონება, რომელსაც ციკოლია ასევე სრულიად განსხვავებულ საგნებში პოულობს.

desigrespondent ზვიად ციკოლია

dt იმის გათვალისწინებით, რომ კომპიუტერული ტექნოლოგიები სულ უფრო დიდ როლს თამაშობს დიზაინერის საქმიანობაში, როგორ ფიქრობთ, შეიცვალა თუ არა თქვენი მუშაობის ან აზროვნების სტილი მათი განვითარების შედეგად?

მე მაინც მიმაჩნია, რომ კომპიუტერი, უბრალოდ, რჩება ინსტრუმენტად, რომელიც გიადვილებს გარკვეული ეტაპების გავლას. მართალია, მან ასევე საგრძნობლად აწია ხარისხი, თუმცა მთავარი ფაქტორი კვლავ იდეა და ადამიანია. მე შორს ვარ იმ აზრისგან, როდესაც მთლიანად კომპიუტერს აბრალებენ ამა თუ იმ წარმატებას. კომპიუტერი მარტო ვერაფერს გააკეთებს, თუ მას ადამიანი არ მიუჯდა კარგი იდეებით. როცა ადამიანს სახლში კარგი როიალი აქვს, მაგრამ ეს ხომ არ ნიშნავს იმას, რომ კარგი პიანისტი ან კომპოზიტორია?! კომპიუტერმა იმის საშუალება მოგვცა, რომ სამუშაო უფრო დინამიური და ხარისხიანი გამოვიდეს. აღარ ხარ მიბმული ერთ კონკრეტულ ადგილს და ეს ძალიან კარგია, თუმცა ადამიანი მაინც რჩება მთავარ ბირთვად.

dt თქვენი აზრით, როგორი იქნება სამრეწველო დიზაინი ოცი წლის შემდეგ?

ზვიად ციკოლია: კარგი კითხვაა! თუ გავითვალისწინებთ ტექნოლოგიურ პროგრესს და განსაკუთრებით კი 3D პრინტერების განვითარებას, რაც საშუალებას იძლევა, რომ უკვე რეალურ მასალაში “დავბეჭდოთ” ესა თუ ის პროდუქცია, ვფიქრობ, სამრეწველო დიზაინი ოცი წლის შემდეგ იქნება ძალიან მრავალფეროვანი და ექსკლუზიური, რადგან უამრავი ნიჭიერი ადამიანი სახლიდან გაუსვლელად შეძლებს პროდუქციის შექმნას. ეს დაახლოებით იგივეა, რაც მოხდა ბეჭდვით ინდუსტრიაში, როდესაც უამრავ ადამიანს მიეცა საშუალება თვითონ შეეტანა ცვლილებები დიზაინში და შემდეგ პრინტერზე ამოებეჭდა.

dt ამბობენ, რომ ჯერ კიდევ პატარაობისას სამხედრო თვითმფრინავების მოდელებს ხმის მიხედვით არჩევდით. ყველაზე კარგი ხმა რომელს ჰქონდა? თვითმფრინავის მართვა ხომ არ გისწავლიათ?

ყველაზე სასიამოვნო ხმა ან-22-ს ჰქონდა. დღესაც ჩამესმის მისი ხმა და ისეთივე ემოციებს განვიცდი, როგორც ბავშვობაში. რაც შეეხება თვითმფრინავის მართვას, მქონდა რამდენიმე მცდელობა და ჰაერში მიმართავს, თუმცა თვითმფრინავის დასმის გამოცდილება არ მაქვს. ეგ ყველაზე მთავარი და რთულია. იმედია ამასაც შევძლებ.

dt მაჯის საათი, ფეხსაცმელი, მანქანა, ველოსიპედი, ღვინის ბოთლი… თქვენი შემოქმედების სფერო საკმაოდ ფართოა. დღეს თუ არის რაიმე, რის დიზაინზეც სიამოვნებით იმუშავებდით, მაგრამ არასდროს გქონიათ ამის შესაძლებლობა?

 გმადლობთ ასეთი კითხვისთვის. დიახ რჩება და ამაზე ხშირად ვსაუბრობ. ძალიან მინდა სპორტპროტოტიპის ტიპის მანქანა დავაპროექტო, რომელიც შემდეგ ლე მანის რბოლებში მიიღებს მონაწილეობას. ალბათ, ამის საშუალება როდესაც მომეცემა, ეს იქნება ჩემი პროფესიონალური ყურადღების მთავარი ობიექტი. ვნახოთ როგორ განვითარდება მოვლენები. ასევე, სიამოვნებით ჭურჭლის დიზაინსა და სამზარეულოს ატრიბუტიკაზე ვიმუშავებდი. მოკლედ, თუ მივყევი, ბევრი საინტერესო თემაა. მთავარია, თავიდან როგორ მიუდგები პროექტს, შეიძლება საინტერესო იყოს და პირიქით.

dt ყველაზე ხშირად, რა არის თქვენთვის შთაგონების წყარო?

სიმართლე გითხრათ, ჩემთვის რაიმე კონკრეტული შთაგონების ობიექტი არ არსებობს. თუმცა საყვარელ სფეროებად ავიაცია, ცხოველები, ფრინველები და მწერები რჩებიან. საერთოდ თუ გარემოს დააკვირდებით, ნებისმიერი ობიექტი შეიძლება იქცეს შთაგონების წყაროდ…

ესაუბრა ნინა ახლოური

This was posted 2 months ago. It has 2 notes.